ಮಂಜೇಶ್ವರ್ ಫಿರ್ಗಜೆಂತ್ ಆಯ್ತಾರಾಚೆಂ ಭಾವಾರ್ಥಿ ಕ್ರಿಸ್ತಾಂವ್ ಶಿಕ್ಷಣ್ ವರಸ್‌ 2025-26 ಉಗ್ತಾವಣ್‌ ಕಾರ್ಯೆಂ.
ಜೂನ್‌ 8, 2025 ವೆರ್‌ ಆಯ್ತಾರಾ ಸಕಾಳಿಂ 8.00 ವೊರಾಂಚ್ಯಾ ಮಿಸಾಚ್ಯಾ ಪಯ್ಲೆಂ , ದಿಯೆಸೆಜಿನ್‌ ದಿಲ್ಲ್ಯಾ ಭಾವಾರ್ಥಾಚೆ ಶಿಕೊವ್ಣೆನ್ - ಭರ್ವಶ್ಯಾನ್‌ ಭರುನ್‌ ಮ್ಹಳ್ಳ್ಯಾ ದ್ಯೇಯ ಖಾಲ್ ಉಗ್ತಾವಣೆಚಿ ರೀತ್‌ ಚಲಯ್ಲಿ.
ಸುರ್ವೆರ್‌ ಮಾ. ಬಾ. ಎಡ್ವಿನ್ ಫ್ರಾನ್ಸಿಸ್ ಪಿಂಟೊ ಹಾಣಿಂ ಭಾವಾರ್ಥಾಚೆಂ ಮೂಳ್‌ ಜಾವ್ನಾಸ್ಚೆಂ ಪವಿತ್ರ್‌ ಪುಸ್ತಕ್‌ ಆನಿ ಭಾವಾರ್ಥಾಚಿ ಶಿಕೊವ್ಣ್ ಆಟಾಪ್ಚೆಂ ದೈವಿಕ್‌ ದಾಯ್ಜ್‌ ಬೂಕ್‌ ಶಿಕ್ಷಕಾಂಕ್‌ ದಿಲೆ. ಉಪ್ರಾಂತ್‌ ಭುರ್ಗ್ಯಾಂಕ್‌ ಕ್ರಿಸ್ತಾಂವ್ ಶಿಕ್ಷಣಾಚೆ ಬೂಕ್‌ ವಾಂಟ್ಲೆ.
ಉಪಾದ್ಯಕ್ಷ್‌, ಕಾರ್ಯದರ್ಶಿ, ಆವಯ್‌ ಬಾಪುಯ್ ತಶೆಂಚ್‌ ಶಿಕ್ಷಕಾಂನಿ ಭರ್ವಸೊ ಆಮ್ಕಾಂ ನಿರಾಶಿ ಕರಿನಾ ಮ್ಹುಣ್ ಸಂಕೇತ್ ದಿಂವ್ಚ್ಯಾ ಝಡಾಕ್ ಉದಾಕ್‌ ವೊತ್ಚೆ ಮಾರಿಫಾತ್‌ ಕ್ರಿಸ್ತಾಂವ್ ಶಿಕ್ಷಣಾಂತ್‌ ತಿಂ ವಿಗಾರ್‌ ಬಾಪಾಚ್ಯಾ ವಾವ್ರಾಂತ್‌ ಸಹಭಾಗಿ ಮ್ಹಣ್‌ ಸಾಂಕೇತಿಕ್ ರಿತಿನ್‌ ದಾಕೊವ್ನ್‌ ದಿಲೆಂ.
ತ್ಯಾ ನಂತರ್‌ ಉಪಾದ್ಯಕ್ಷ್‌ ಕಾರ್ಯದರ್ಶಿ, ವ್ಹಡಿಲಾಂ ತಶೆಂಚ್‌ ಶಿಕ್ಷಕಾಂನಿ ಭುರ್ಗ್ಯಾಂಚ್ಯಾ ಖಾಂದ್ಯಾರ್‌ ಹಾತ್‌ ದವರ್ಲೆ ಆನಿಂ ತ್ಯಾ ವೆಳಾರ್‌ ಸರ್ವ್‌ ಭುರ್ಗ್ಯಾಂ ಪಾಸತ್‌ ವಿಗಾರ್‌ ಬಾಪಾಂನಿ ಮಾಗ್ಣೆಂ ಕೆಲೆಂ.
ಮಿಸಾಚ್ಯಾ ಮದ್ಗಾತ್‌ ಭಾವರ್ಥಾಚಿ ಉಚಾರ‍್ಣಿಂ ಜಾಲ್ಲೆಂಚ್‌ ವಿಗಾರ್‌ ಬಾಪಾಂನಿ ಹ್ಯಾ ವರ್ಸಾ ಕ್ರಿಸ್ತಾಂವ್ ಶಿಕ್ಷಣ್ ಶಿಕೊಂವ್ಚ್ಯಾ ಶಿಕ್ಷಕಾಂಕ್‌ ಅಧಿಕೃತ್‌ ರಿತಿನ್‌ ನೇಮಕ್‌ ಕರ್ಚಿ ರೀತ್‌ ಚಲೊವ್ನ್ ವೆಲಿ ಆನಿ ತಾಂಚೆ ಪಾಸತ್‌ ಮಾಗ್ಲೆಂ.
ಉಪ್ರಾಂತ್‌ ಮಿಸಾಚೆಂ ಬಲಿದಾನ್‌ ಮುಕಾರುನ್‌ ವೆಲೆಂ. ಹ್ಯಾ ದಿಸಾಚಿ ಲಿತುರ್ಜಿ ಭುರ್ಗ್ಯಾಂನಿ ಆನಿಂ ಶಿಕ್ಷಕಾಂನಿ ಚಲೊವ್ನ್ ವೆಲಿ.
ವರ್ದಿ : - ಶ್ರೀಮತಿ ಕ್ಲಾರಾ ಮೊಂತೇರೊ
ಕ್ರೀಸ್ತಾಂವ್ ಶಿಕ್ಷಣ್ ಸಂಯೋಜಕಿ,
ಮರ್ಸಿ ಮಾಯೆಚಿ ಫಿರ್ಗಜ್ .
ಮಂಜೇಶ್ವರ್
.jpeg)
No comments:
Post a Comment